الووووو يا عموو

ده ولد صغير بيعاكس صاحب السوبر ماركت فى التليفون يلا نشوف عمل معاه .

ترن ترن ترن ترن

صاحب السوبر ماركت : الو سوبر ماركت اطلب واتمنى فى خدمتك .


الولد: الوو البوليس بوليس النجده .


صاحب السوبر ماركت : بوليس يبنى لا احنا السوبر ماركت .


الولد : الحقنى يا عمو الشرطى عاوز ابلغ عن جريمه قتل.


صاحب السوبر ماركت :عمك الشرطى مين ياض بقؤلك صاحب السوبر ماركت.


الولد : و بقؤلك فى جريمه قتل.


صاحب السوبر ماركت :جريمه قتل يخرب بيتك وبتكلمنى اقفل مليش دعوه.


الولد : كده يا عمو الشرطى مش انتو برضو بتقولو ان الشرطه فى خدمه مجلس الشعب.


صاحب السوبر ماركت :مجلس الشعب ومجلس الشورى يبنى اسمها الشرطه فى خدمه الشعب.


الولد : طب اخدمنى بقه ونفذلى طلبى.


صاحب السوبر ماركت بنى اخدمك بعنيه وانفذلك طلبك بس يكون حاجه سهله يعنى عاوز نص كيلو جبنه براميلى على ربع لانشون


على علبتين جبنه نستو لافاش كيرى .انما تقولى قتل لا لحد هنا وستوب.


الولد : مش بحب لافاش كيرى عندك بريزدون.


صاحب السوبر ماركت :ده انت عيل رخم قوى بقا بتقول عندك جريمه قتل وتكلمنى عاوز بريزدون .


الولد : ما الخوف اللى فيه جوعنى .


صاحب السوبر ماركت بس للاسف مش هوصلك طلبك دليفرى عشان القتيل اللى عندك


منا عارف الحركات دى اجيلك تكون كلمت البوليس وتقوله هو ده اللى قتله .


الولد : خلاص كتك الارف انت مش جدع على فكره.


صاحب السوبر ماركت :وانت عيل رخم على فكره.


وقفل السكه.

.................................................. ....

شويه وجرس تليفون السوبر ماركت رن تانى .


صاحب السوبر ماركت :الووو


الولد : الو الاسعاف.


صاحب السوبر ماركت : انت هتستلمنى شكلك انهارده.


الولد : لو سمحت عاوز عربيه اسعاف ماركه بيجو 7 راكب مكيفه .


صاحب السوبر ماركت :ما اجيبلك شيروكى احسن وبعدين بيجو 7 راكب ومكيفه ازاى يعنى.


الولد : القتيل عندو نبض فى امل يعيش الحقنى بسرعه.


صاحب السوبر ماركت : امى دعت عليه شكلها انهارده .


الولد : اكيد زعلتها هو فى احسن من حنان الام يا عمو دى الام دى مدرسه .


صاحب السوبر ماركت بس ياض انت هتعملى فيها استاذ وتكلمنى عن الام .


الولد : انت راجل عديم الاحساس.


صاحب السوبر ماركت :وانت عيل ابرد منك ما شوفت.


وقفل السكه .


.................................................

شويه وجرس التليفون رن تانى.


صاحب السوبر ماركت :الووووووو.


الولد: الووو المطافى.


صاحب السوبر ماركت : ياريت تولع عشان اخلص منك .


الولد : يا عمو القتيل هيموت محروق منى الحقنى .


صاحب السوبر ماركت : هيموت منك مش عيب عليك تبقا عيل فى كى جى تو وتبقا قتال قتله .


الولد : متقلبش عليا المواجع بقه.


صاحب السوبر ماركت : عموما مفيش مطافى ولو عاوز تتطفى عندك حنفيه بيتكو ابقا استعملها.


الولد : لالالالالالالالالالا يعنى خلاص مفيش امل صوصو كده هيموت منى.


صاحب السوبر ماركت : صوصو ؟؟؟صوصو مين؟؟؟


الولد : عصفورى اللى حرقته وخنقته ودبحته وكسرت رجله فى ساعه نرفذه.


صاحب السوبر ماركت : ده انت مجنون يله هكلملك العباسيه .


الولد : سلام بقه كف هزار فى التليفون مش عيب عليك راجل كبير وتعاكس فى التليفون وكمان معاد نومى جه.


صاحب السوبر ماركت : يلاهووووووووووووووووووووووووووووى

الله يسلمك يا رب
العفو ولو
منورة الموضوع

اه عارفه

هههههههههههههههههههههههههههههه

يلاهووووووووووووووووووووووووووووى
بس مش كف
تسلمى على الموضوع

ههههههههههههه
ت الضحكة
الله يسلمكم
منورين

هههههههههههههههههههههههههههههه

ت الضحكة
منورة