حصرياً لعبة jade dynasty على منتديات الصداقه



اولاً دى صور اللعبه:














و ده شرح كيفية اللعب:




قصة اللعبة بتدور عن 5 فصائل مختلفة اجتمعوا لهدف واحد ... اكتشاف سر الخلود ..

و خلال رحلة البحث فى الذات .. 3 فصائل منهم انحرفوا لطريق الشر و 2 منهم للخير ..

كل فصيلة منهم لها اسلوبها و طريقتها فى اللعبة و ليها نقاط قوى و نقاط ضعف مختلفة ..

و تم اضافة شخصيتين جداد و هم البالو و الادرين والادرين يستعمل ال Bow
ولكن ميزته انه لا يستعمل اسهم يعنى مش هتتضر انك تشترى اسهم خالص

الفصيلة الاولى Jadeon


ال Jadeon هم الجنس الخير الرئيسى فى اللعبة ... و افضل وصف ليهم هو Sword magician ... فهم بارعين جدا فى استخدام السيف و السحر فى نفس الوقت و لكن يعيبهم انها بيلبسوا الملابس الخفيفة او ال Cloth ...

تانى فصيلة هى Skysong

و دى الجنس الخير التانى فى اللعبة و بيمتاز الجنس ده فى استخدام قوته لخدمة و مساعدة الغير ... و هم يعتبروا ال Healing Faction فى اللعبة و لكن رغم كدة لا يستهان بهم ابدا فى الحروب وجها لوجه ..

تالت فصيلة عندنا هى ال Vim


دول كانوا فى البداية فى جانب الخير ... و لكن خلال رحلتهم لاكتشاف سر الخلود اكتشف معلمهم كتب سحر قوية جدا فحب يحتفظ بيها لنفسه و انفصل بجماعة لوحده ...
و رغم كدة كانوا ما والوا فى جانب الخير و لكنهم كانوا يقومون بتنفيذ العدالة بانفسهم دون اى اعتبار لقواعد او قوانين مما جعلهم يدخلون فى خلاف و صراع مع جماعة ال Jadeon و فى النهاية ينضموا لجانب الشر ..

يمتاز ال Vim بمهارتهم فى القتال من مسافات قريبة و تحمل اكبر قدر من الالم ...
مما يجعلهم افضل Tank فى اللعبة ...

رابع فصيلة هى ال Lupin


و دول جنس الشر التانى ... و يمتاز الجنس ده بالرشاقة و السرعة فى الحركة مما يجعلهم افضل Assassians فى اللعبة و لكن يعيبهم ضعف دفاعهم ..

اخر فصيلة هى ال Modo

شخصيتى المفضلة و تعتبر شخصية المودو شخصية غامضة

و دول تقدروا تعتبروهم ال Warlocks بتوع اللعبة ... فهما بيعتمدوا على ال Dots بالاضافة الى التحول ل Forms مختلفة كل منها لها مزاياها و لكن استخدام السحر الاسود ليه تمن ... و التمن هنا هو التضحية بروحك نفسها متمثلة فى ال HP بتاعك ..

كدة نكون خلصنا ال 5 Faction اللى فى اللعبة ...

نيجى بقى لمزايا اللعبة اللى فعلا خليتها تحقق المعادلة الصعبة ..


1- اول ميزة و اللى اعتقد هتيجى على هوى معظم اللى بيلعبوا Silkroad ... ان اللعبة دى فيها نظام اسمه esper .. و ده بيكون عبارة عن مصدر طاقة بتلاقيه فى ال Quests او ال Drops ... فايدة مصدر الطاقة ده كذا حاجة ..
اولا انه يقدر يتحكم فى الشخصية بتاعتك لوحده و انت مش موجود ... يعنى يضرب الوحوش .. و يلم ال Loot و يعملك Auto Potion ...

يعنى من الاخر كدة .. Bot ...بس الفرق انه شرعى

تانى ميزة ان كل esper ليه قوة مختلفة عن غيره و ممكن يديك Skills تقوى بيها نفسك ..

تالت ميزة و هى ان ال esper ممكن يدمج روحك مع روح ال Pet بتاعك و يديك قوى اضافية على حسب نوع ال esper بتاعك (( هتكلم عن ال pet بعدين ))



2- تانى ميزة فى اللعبة هو نظام ال Pets ... فال Pets هنا مش مجرد قرد يمشى معاك و يلم الفلوس او ذئب يضرب ضربات هايفة مش بتأثر ... لا ده ال pet بتاعك ممكن يكون عامل مهم جدا ليك فى المعركة ... فال Pet بتاعك بيتفاعل معاك من اول يوم تصطاده فيه .. بيتكلم معاك و بيتصاحب عليك و بيقولك نكت و لما يكون زعلان يقولك مزعله و لو جعان ممكن يتخانق معاك ...
بس الاهم من كدة ان ال Pet بتاعك ليه سلسلة مهارات كاملة خاصة بيه ... و مع زيادة اهك و رعايتك ليه ممكن ال Pet بتاعك يتطور شكله و حجمه و مهاراته و تطور ال Pet ملوش علاقة بمستواك انت ولكن ليه علاقة باهك بيه ...

مش بس كدة ... ده ال Pet بتاعك كمان تقدر تندمج معاه و بيديك قوى و مزايا اضافية على حسب نوع ال Pet و على حسب نوع ال Esper ...

بس للاسف ..رغم المزايا دى فيه كمان حاجة لازم تخدوا بالكم منها ... ال Pet بتاعك بيكبر فى السن و بيعجز و فى النهاية بيموت .... و لكن بعد ما يموت بيترك لك هدية مميزة يعبر بيها عن حبه ليك ... كل Pet بيكون ليه عمر معين على حسب نوعه و بعدها يتكل على الله


3- تالت ميزة فى اللعبة ان حاجات ال Item Mall ممكن تشتريها عادى بجولد من جوا اللعبة يعنى مش محتاج تدفع عشان تلعب الا بقى لو انت مش بتعرف تجيب جولد جوااللعبة دى تبقى مشكلة تانية

4- رابع ميزة فى اللعبة هو نظام الرومانسية و الجواز ... فكل ذكر فى اللعبة بيحصل على نصف دبلة ... و كل انثى بتحصل على نص تانى ..

لو الذكر اللى معاه نص الدبلة لقى النص التانى المكمل للدبلة بتاعته يقدروا يدخلوا فى سلسلة من الختبارات عشان يتاكدوا ان هما الزوج المناسب لبعض و بعدها يتم الزواج ..

5- كمان فى اللعبة فيه نظام اسمه Meitation او التأمل و النظام ده بيخليك لو انت AFK و واقف من غير ما تعمل حاجة و انت مشغل التأمل ... تقدر تاخد Exp و انت واقف مكانك من غير ما تعمل حاجة ...

6- اللعبة فيها نظام الوظائف ... ففيه وظيفة صنع اللسحة و الدروع .. و فيه وظيفة صيد السمك و فيه وظيفة تقوية الاسلحة و الدروع و وظيفة تانية اسمه bloodsmelting و لكن معرفش بتاعة

7- كل faction من الخمسة بيبقى ليه حاجة اسمها Skill Tree بتوزع فيه نقاط المهارة على حسب مزاجك .. و كمان بيكون ليك حاجة اسمها Tomes و بتوزع فيها نقاط المعرفة حسب مزاجك ... عشان كدة كل شخصية بتكون مختلفة ا على حسب ال Skill tree و ال Tomes .

8- فيه نظام فى اللعبة اسمه Auto Route ... النظام ده جميل جدا ليه ... لانك ممكن تحدد للشخصية بتاعتك ال NPC اللى انت عايز تروحله او المكان اللى عايز تروحله و هى اوتوماتيك هيجرى لحد المنطقة اللى انت عايزها مهما كانت السمافة بعيدة ...

9- ال Alliance بتاعك او الجيلد بيستفاد بالحاجات اللى بتعملها فى اللعبة و كل ما ال Rank بتاع ال Alliance بتاعك يزيد كل ما تتفتح ليكم Items و Skills جديدة .

10- اللعبة فيها نظام ال Battle Grounds و ال Siege War لمحبى ال PvP

11- فيه ميزة كمان مهمة جدا هتعجب ناس كتير .. و هى وجود Flying Mounts فى اللعبة دى ... فانت فى اللعبة دى ده تطير و تسافر و انت طاير و كمان تحارب و انت طاير .

12- و على سيرة المحاربة و انت طاير .. كمان و انت على الارض و انت راكب حصانك تقر تحارب و تضرب من غير ما تنزل على حصانك ... ف النهاردة شوفت مشهد جميل لواحد بيجري وسط الناس بالنمر بتاعه و عماله يطوح فيهم بالسيف و هو فوق الحصان

13- ال quests فى اللعبة كذا نوع ..
- Strory Quests : و دول مهمات بتفهم منها القصة واحدة واحدة .. و كل ما تخلص مهمة هتعرف القصة اكتر .
- Journey Quests : و دول مهمات بيعتمدوا انهم يخلوك تسافر مسافات طويلة عشان تكتشف الخريطة .
-Treasure Hunting Quests :و دى مهمات بتعتمد انك بتتبع كنز و تفضل تجمع معلومات عن مكانه لحد ما توصله فى النهاية
-legendary Quests : و دى مهمات بتكون ضد ال Bosses اللى فى اللعبة
- Clan Chain Quests : و دى مهمات على حسب ال Faction بتاعك
- Exploration Quests : و دى مهمات بتكون داخل ال Dungeons
- Monster Killing Quests : و دى مهمات قتل الوحوش العادية

14- فيه بقى بعض المزايا الثانوية زى انك مثلا تقدر تشوف لبس اى شخص فى اللعبة و تعرف توزيع نقاط المهارة و ال Tomes بتوعه ... و تقدر كمان اى سلاح او لبس جالك جديد اللعبة تقارن بينه و بين اللى انت لبسه عشان تعرف هو احسن و لا اللى انت لابسه ....و فيه كمان حاجة اسمها minigames جوا اللعبة تقدر تسلى بيها وقتك لو زهقت من اللعبة ...

مش هقدر اقول مزايا اكتر للاسف لانى لسة بادئ فى اللعبة امبارح فاكيد مكتشفتش كل حاجة لسة

بس هسيبكم مع اكبر مواقع متخصصة فى الالعاب و را فى اللعبة اللى اول مرة اشوف اجماع على لعبة مجانية بالشكل ده ...

1- موقع IGN و هو بيوصف اللعبة انها جمعت العديد من المزايا كان من السمتحيل تخيل انها تكون فى لعبة مجانية

http://pc.ign.com/objects/143/14349184.html

2- موقع overclocker و هو بيوصف اللعبة و بيقول لو فاكر انى دى لعبة تانية مجانية زيها زى الالعاب اللى بتظهر كل يوم .... اللعبة دى فى الحقيقة هتفاجأك

http://www.overclockershq.com/latest...pressions.html

3- مجلة PC Gamer اللى وصفت اللعبة بانها جيدة جدا بداية من اختلاف الشخصيات و حتى الابداع فى ال Skills و اعطت اللعبة 4.5 من 5

http://www.pcgamer.se/bloggar/jadedynasty/p=17415





اسيبكم بقى مع بعض فيديوهات اللعبة ..









لتحميل العبه ادخل على الرابط ده:

[url=http://jd.perfectworld.com/download ]http://jd.perfectworld.com/download [/url]

هاتدخل و تدوس على Direct Download

هاتلاقيها نزلت مكان ما انت عملتلها حفظ

و ده رابط التسجيل فى اللعبه:

[url=https://register.perfectworld.com/register ]https://register.perfectworld.com/register [/url]




و ً مع تحياتى

Mido

:..: